Xalq deputatlari Muzrabot tumani Kengashiga 9-Darband saylov okrugidan saylangan deputat M.X.Ramazonov “Darband” mahallasi hududida joylashgan 39 va 48-maktablarda boshlangan kuz-qish mavsumidagi amalga oshirilayotgan ishlar holati o‘rgandi. O‘rganish jarayonida kuz-qish davrida qozonxonalarning barqaror ishlashini ta’minlash uchun soha tashkilotlari tomonidan zarur suyuq va qattiq yoqilg‘ilarini maqsadli ishlatilishiga e’tibor qilindi. 

O‘rganish davomida ta’lim muassasalarda kuz-qish mavsumida maktablardagi sinf xonalarining holati, isitish tizimi hamda o‘quv
jarayoni uchun yaratilgan shart-sharoitlar ko‘zdan kechirildi. O‘rganish jarayonida aniqlangan kamchiliklarni zudlik bilan bartaraf etish bo‘yicha ma’sullarga o‘zining ko‘rsatma va tavsiyalarini berdi. 

Ushbu nazorat tadbirlaridan ko‘zlangan eng asosiy maqsad – tumanda ijtimoiy soha obyektlarida kuz-qish mavsumini betalofat o‘tkazishdir.