Zarbdor tuman hokimi Bekzod Tashpulatov, tuman prokurori Ravshan Masharipov, tuman IIB boshlig‘i Elyor Axmedov, tuman Kengashi deputati Furqat Sarimsoqov hamda “Nuroniy” jamg‘armasi raisi Abdulla Azimov Yangikent mahallasida istiqomat qiluvchi fuqaroning uyida sodir bo‘lgan baxtsiz hodisa oqibatida yong‘indan zarar ko‘rgan xonadon holati bilan tanishdi.

Tashrif davomida xonadonda yashovchi fuqarolar bilan suhbat o‘tkazilib, yetkazilgan zararlar o‘rganildi hamda ularga moddiy yordam ko‘rsatish masalalari belgilandi.

Shuningdek, mutasaddilar tomonidan aholiga yong‘in xavfsizligi qoidalariga qat’iy rioya etish, elektr va gaz jihozlaridan foydalanishda hushyor bo‘lish hamda favqulodda holatlarning oldini olish bo‘yicha ogohlantirish va tushuntirish ishlari olib borildi.

Ma’lumot o‘rnida, mazkur hodisa natijasida insonlar orasida vafot etgan va tan jarohati olganlar yo‘q.

Xalq deputatlari Zarbdor tuman Kengashi kotibiyati