Jalaquduq tumani Toshloq, O`zbekiston MFY hududida ajrim yoqasiga kelib qolgan, sha`riy nikoh asosida yashab kelayotgan, turli nizo va kelishmovchiliklar mavjud bo`lgan, shuningdek janjalkash oilalar bilan
profilaktik suhbatlar o`tkazildi. Ushbu suhbatlarda MFY raislari M.Alimjanova va N.Zohidovalar, shuningdek tuman Kengashi deputati Turg`unova Mohidilxon ishtirok etdilar. Suhbat davomida oilalarda yuzaga kelayotgan nizo va kelishmovchiliklarning asosiy sabablari atroflicha o`rganilib, ajrimga olib kelayotgan omillar tahlil qilindi. Oila a`zolariga o`zaro hurmat, sabr-toqat, bir-birini tinglash va muammolarni muloqot orqali hal etishning ahamiyati tushuntirildi. Shuningdek, sha`riy nikoh asosida yashab kelayotgan
fuqarolarga nikohni qonun doirasida rasmiylashtirish, oilaviy-huquqiy munosabatlarni tartibga solish, xotin-qizlar va bolalar huquqlarini himoya qilish masalalari yuzasidan keng tushunchalar berildi. Bunday uchrashuvlar oilalarni saqlab qolish, jamiyatda sog`lom ma`naviy muhitni ta`minlashga qaratilgani ta`kidlandi.