O‘zbekiston Respublikasi Prezidenti Shavkat Mirziyoyevning Oliy Majlisga va xalqimizga yo‘llagan Murojaatnomasi hamda Xavfsizlik Kengashi yig‘ilishida belgilab berilgan ustuvor vazifalar ijrosini ta’minlash maqsadida Markaziy harbiy okrug Maʼnaviyat va maʼrifat markazida uchrashuv tashkil etildi.

Mazkur tadbirda Xalq deputatlari Samarqand shahar kengashi deputati N.Sadinova ham qatnashib, Murojaatnomaning mazmun-mohiyati, unda belgilangan ustuvor yo‘nalishlar hamda mamlakatimizda amalga oshirilayotgan ma’naviy-ma’rifiy islohotlarning samaralari haqida ma’ruza qilindi.

Uchrashuv davomida harbiy xizmatchilarning siyosiy-huquqiy bilimlarini oshirish, ularning Vatanga sadoqat, fidoyilik va mas’uliyat tuyg‘ularini yanada mustahkamlash masalalariga alohida e’tibor qaratildi.

Ushbu Ma’naviy-ma’rifiy tadbirlar harbiy xizmatni o‘tayotgan yoshlar uchun nihoyatda foydali bo‘lib, ularning dunyoqarashini kengaytirish, yurtga bo‘lgan muhabbat va sadoqatini yanada oshirishga xizmat qiladi.