Oliy Majlis Qonunchilik palatasi deputati Yakubov Shuhrat Ummatalievichning Mirzacho‘l tumaniga tashrifi doirasida yoshlar ta’limi va kasb-hunar o‘rgatish yo‘nalishidagi ishlar bilan yaqindan tanishildi.

Xususan, tumanda faoliyat yuritayotgan Yoshlarni til va kasbga o‘rgatish markazida yoshlarga ingliz, koreys, yapon va boshqa xorijiy tillarni o‘rgatish jarayonlari ko‘zdan kechirildi. Deputat ta’lim jarayonlari, yaratilgan sharoitlar hamda yoshlarning bilim olishga bo‘lgan qiziqishi bilan qiziqdi.

Shu bilan birga, markazda turli kasb-hunar yo‘nalishlari bo‘yicha tashkil etilgan amaliy mashg‘ulotlar orqali yoshlarning kasbiy ko‘nikmalarini rivojlantirishga alohida e’tibor qaratilayotgani ta’kidlandi.

Mazkur ishlar yoshlarning kelgusida o‘z yo‘lini topishi, mustaqil fikrlaydigan hamda mehnat bozorida raqobatbardosh kadrlar sifatida shakllanishiga xizmat qilmoqda.