Oliy Majlis Qonunchilik palatasi deputati Yakubov Shuhrat Ummatalievich tumanda faoliyat yuritayotgan FAHR-MUMIN TEKSTIL korxonasiga tashrif buyurdi.

Tashrif davomida korxonaning ishlab chiqarish jarayonlari, tikuvchilik yo‘nalishidagi faoliyati, yaratilgan ish o‘rinlari hamda xodimlar uchun mehnat sharoitlari bilan yaqindan tanishildi. Mahalliy xomashyoni qayta ishlash, mahsulot sifati va ishlab chiqarish hajmini oshirish masalalariga alohida e’tibor qaratildi.

Shuningdek, korxona rahbariyati bilan suhbat davomida tadbirkorlikni qo‘llab-quvvatlash, bandlikni ta’minlash hamda ishlab chiqarishni kengaytirish bo‘yicha taklif va tashabbuslar muhokama qilindi.

Mazkur tashrif hududda sanoat va tadbirkorlikni rivojlantirish, yangi ish o‘rinlari yaratish hamda aholi farovonligini oshirishga xizmat qilishi ta’kidlandi.