Xalq deputatlari Chinoz tumani Kengashi deputati Davron Teshaboyev tumandagi Dehqonobod mahallasida bo‘lib, mahallada faoliyat yuritayotgan “mahalla yettiligi”ning ish faoliyati holatini o'rgandi.

O'rganish davomida mahalla hududida amalga oshirilayotgan ijtimoiy-iqtisodiy ishlar, aholi bilan ishlash tizimi, fuqarolarning muammolarini aniqlash va ularni bartaraf etish borasida olib borilayotgan ishlar, amaliy sa’y-harakatlar yuzasidan ma’lumotlar berildi. Shuningdek, mahalla yettiligi a’zolari tomonidan bajarilayotgan vazifalar, o‘zaro hamkorlik va mas’uliyat masalalari muhokama qilindi.

Deputat mahalla faoliyatini yanada samarali tashkil etish, aholining turmush darajasini oshirish hamda mavjud muammolarga tezkor yechim topish bo‘yicha tegishli tavsiyalar berdi.