Xalq deputatlari Boyovut tumani Kengashi 8-Taraqqiyot saylov okrugidan saylangan deputat Xusnara Berdiyarova Boyovut tumani “Olmazor” mahallasida bo‘lib, hududdagi muammolarni o‘rganish maqsadida joylarda o‘rganishlar olib bordi.

Xususan, “Fido” ko‘chasida joylashgan elektr beton ustun yaroqsiz holga kelib, qulash xavfi yuzaga kelgani aniqlanib, ushbu holat fuqarolar hayoti va xavfsizligiga jiddiy tahdid solayotgani qayd etildi.

Shuningdek, “Fido” va “Nur” ko‘chalariga loy-tosh aralashmasi to‘kilgani sababli ko‘chalar ahvoli yanada yomonlashib, yog‘ingarchilik vaqtida yurib bo‘lmas darajaga kelgani aholining e’tirozlariga sabab bo‘lmoqda. Bundan tashqari, “Sofdillik” va “Yangi hayot” ko‘chalarida olib borilayotgan shag‘allantirish ishlari yakuniga yetkazilmagani hamda ishlar sifatsiz bajarilgani aniqlandi.

O‘rganishlar yakunida deputat mahalla yettiligi bilan uchrashib, aniqlangan muammolarni bartaraf etish, mas’ul tashkilotlar bilan hamkorlikda ularning yechimini topish hamda kelgusida amalga oshirilishi lozim bo‘lgan ishlar yuzasidan atroflicha suhbatlashdi.