Deputat tashabbusi bilan muammo hal qilindi. Xalq vakillari bo‘lgan deputatlar joylarda o‘zlari saylangan hudud saylovchilari bilan yuzma-yuz muloqot qilish orqali ko‘tarilgan murojaatlarni bartaraf etishda tashabbus ko‘rsatmoqda. Jumladan, Xalq deputatlari Parkent tumani Kengashiga 15-Beshkappa saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovnaga ham o‘zi saylangan okrugidagi “Oybek” MFY fuqarolari tomonidan ko‘cha chiroqlari ishlamayotgani, bu esa serqatnov yo‘lda aholiga noqulayliklar keltirib chiqarayotgani masalasida murojaat etishdi. Deputat M.Berdiqulova muammoni tezda o‘rganib chiqib, xalq vakillarining tashabbusi bilan mutasaddi tashkilotga murojaat etildi va Parkent tuman Obodonlashtirish boshqarmasi hodimlari bilan hamkorlikda aholiga noqulaylik tug`dirayotgan muammo xalq vakili yordamida ijobiy hal etildi.