Xalq deputatlari Olmazor tumani Kengashining 15-Bo‘stonobod okrugi deputati Umida Fayziyeva tomonidan "Qichqiriq" mahalla fuqarolar yig‘ini hududida joylashgan “Muza” qandolat mahsulotlari ishlab chiqarish fabrikasiga tashrif buyurilib, korxonaning ish jarayoni, ishlab chiqarish quvvatlari hamda mavjud bo‘sh ish o‘rinlari bilan yaqindan tanishildi. 

Tashrif davomida ish bilan bandlikni ta’minlash, ayniqsa mahalla aholisi, jumladan yoshlar va xotin-qizlarni ishga jalb etish masalalariga alohida e’tibor qaratildi. Shuningdek, “Bo‘stonobod” mahalla fuqarolar yig‘ini hududida joylashgan “Andalus” supermarket hamda “Al Fatiha” o‘quv markazi faoliyati o‘rganilib, mazkur obyektlardagi bo‘sh ish o‘rinlari, xizmat yo‘nalishlari va hamkorlik imkoniyatlari muhokama qilindi.

Tashrif yakunida “Al Fatiha” o‘quv markazi rahbariyati bilan mahallada istiqomat qiluvchi kam ta’minlangan oilalar farzandlari uchun ta’lim xizmatlariga 50 foizgacha chegirma berish bo‘yicha kelishuvga erishildi. Ushbu kelishuv aholi farovonligini oshirish, yoshlarning bilim olishi va kasb-hunar egallashiga ko‘maklashishga qaratilgani bilan ahamiyatlidir.