Xalq deputatlari Jalaquduq tuman Kengashi deputati Z. G`ofurova tomonidan Yurtboshimizning Oliy Majlis va xalqimizga yo`llagan Murojaatnomasi yuzasidan aholi bilan targ`ibot uchrashuvi o`tkazildi. Uchrashuv davomida Murojaatnomada belgilangan ustuvor yo`nalishlar, ijtimoiy sohani rivojlantirish, aholi turmush darajasini yaxshilash, kam ta`minlangan oilalarni qo`llab-quvvatlash, ta`lim, sog`liqni saqlash va bandlik masalalariga alohida e`tibor qaratildi. Shuningdek, davlatimiz rahbari tomonidan ilgari surilgan tashabbuslar mamlakat taraqqiyotida muhim ahamiyat kasb etishi ta`kidlab o`tildi. Targ`ibot uchrashuvida 2025-yilda amalga oshirilgan ishlar sarhisob qilinib, erishilgan natijalar atroflicha muhokama etildi. Shu bilan birga, kelgusi davrda amalga oshirilishi rejalashtirilgan vazifalar, aholi muammolarini hal etish, joylarda ijtimoiy himoyani kuchaytirish hamda fuqarolar manfaatlarini ta`minlashga qaratilgan rejalar belgilab olindi. Uchrashuv yakunida ishtirokchilar o`z fikr va takliflarini bildirib, partiyaning xalq bilan yaqin muloqotini yanada kuchaytirish, Murojaatnomada belgilangan vazifalarni hayotga tatbiq etishda faol ishtirok etish zarurligi ta`kidlandi. Bunday targ`ibot tadbirlari aholining siyosiy faolligini oshirish, islohotlar mohiyatini keng jamoatchilikka yetkazish hamda partiyaning dasturiy maqsadlarini amalga oshirishda muhim ahamiyat kasb etadi.