#deputat_vazifalaridan

Deputat o'z vakolatlarini jismoniy va yuridik shaxslar manfaatlarini ko'zlab bajarish yoki bajarmaslik evaziga ulardan har qanday sovg'a olishi taqiqlanadi.

Deputat alohida xizmatlari uchun Kengashning qarori asosida, shuningdek musobaqalar va tanlovlarda erishgan yutuqlari, davlat bayramlari, nishonlanadigan sanalar hamda boshqa rasmiy tadbirlar munosabati bilan mukofotlash natijasida yoxud xizmat safarlari, xorijlik delegasiyaning O'zbekistonga tashrifi vaqtida, shuningdek xalqaro va boshqa rasmiy tadbirlar munosabati bilan sovg'alar olishi mumkin.

Xizmat safarlari, xalqaro, xorijiy delegasiyaning O'zbekistonga tashrifi vaqtida, shuningdek xalqaro va boshqa rasmiy tadbirlar munosabati bilan olingan sovg'a qiymati bazaviy hisoblash miqdorining to'rt baravaridan oshmasligi lozim, ushbu miqdordan oshadigan sovg'alar Kengash mulki bo'lib, Kengashga taqdim etilishi shart.