Barchangizga ma’lumki, O‘zbekiston Respublikasi Konstitutsiyasining yangi tahrirdagi 120-moddasiga muvofiq, xalq deputatlari Kengashiga uning deputatlari orasidan saylangan rais raislik qilishi hamda viloyat, tuman va shahar hokimi bir vaqtning o‘zida Kengash raisi bo‘lishi mumkin emasligi belgilab qo‘yilgan.

Konstitutsiyaning o‘tish qoidalariga asosan ushbu tartib bosqichma-bosqich joriy etilmoqda. Xususan, 2026 yil 1 yanvardan boshlab ushbu amaliyot barcha tuman (shahar) Kengashlariga tatbiq etilishi belgilangan.

Shu munosabat bilan, bugun "Mahalliy davlat hokimiyati to‘g‘risida"gi O‘zbekiston Respublikasi Qonunining 163-moddasida belgilangan tartibda Xalq deputatlari Taxiatosh tumani Kengashi raisining saylovi o‘tkazildi.

Saylov natijalariga ko‘ra, Xidirbayev Rashid Xidirbayevich Xalq deputatlari Taxiatosh tumani Kengashining raisi etib saylandi.

Yangi saylangan Kengash raisining faoliyati mahalliy vakillik organining nufuzini oshirish, deputatlar va jamoatchilik bilan samarali hamkorlikni yo‘lga qo‘yishga xizmat qilishi kutilmoqda.