Xalq deputatlari Farg‘ona tuman Kengashining navbatdagi XVII sessiyasi bo‘lib o‘tdi

🔹 Farg‘ona tuman hokimligi binosida Xalq deputatlari Farg‘ona tuman Kengashining navbatdagi XVII sessiyasi o‘tkazildi. Sessiya ishida tuman Kengashi deputatlari hamda kun tartibiga kiritilgan masalalarga daxldor davlat va jamoat tashkilotlari rahbarlari ishtirok etdilar.

🔹 Yig‘ilishda O‘zbekiston Respublikasi Prezidenti Shavkat Mirziyoevning 26 dekabr kuni Oliy Majlis va mamlakat xalqini rivojlanishning ustuvor yo‘nalishlari bilan tanishtirgan Murojaatnomasida belgilangan vazifalar atroflicha muhokama qilindi.

🔹 Kun tartibiga muvofiq, Prezidentning 2024 yil 16 dekabrdagi PQ–440-sonli qarori ijrosi yuzasidan tumanda 2025 yil yanvar–noyabr oylarida amalga oshirilgan ishlar bo‘yicha tuman hokimi X. Inomovning hisoboti eshitildi.

🔹 Shuningdek, 2026 yilgi mahalliy byudjetni tasdiqlash, tumanni kompleks ijtimoiy-iqtisodiy rivojlantirish dasturi, “Ayollar daftari”ning 6-bosqichi doirasida xotin-qizlar bilan manzilli ishlash hamda Senat Kengashining KQ–284-V-sonli qarori ijrosi bilan bog‘liq masalalar muhokama qilindi.

🔹 Yangi tahrirdagi O‘zbekiston Respublikasi Konstitutsiyasi talablariga muvofiq, mahalliy Kengashlarga deputatlar orasidan saylanadigan rais rahbarlik qilishi belgilangan. Qonunchilikda belgilangan tartib asosida Axmadjonov Baxodir Maxammadjonovich Xalq deputatlari Farg‘ona tuman Kengashi raisi etib saylandi.