#munosabat  

Davlatimiz rahbarining Murojaatnomasida kuchli parlament va jamoatchilik ishtirokini kuchaytirish ustuvor vazifa sifatida belgilandi 

✅Ushbu muhim hujjat mamlakat taraqqiyotining yangi bosqichini belgilab berdi: davlat boshqaruvini isloh qilish, ochiqlik va hisobdorlikni kuchaytirish, fuqarolarning qaror qabul
qilish jarayonlaridagi ishtirokini kengaytirish hamda islohotlarni joylarda — mahalla va mahalliy vakillik organlari orqali chuqurlashtirish ustuvor yo‘nalish sifatida qayd etildi. 2026 yilning “Mahallani rivojlantirish va jamiyatni yuksaltirish yili” deb belgilanishi ham ushbu g‘oyaning amaliy ifodasidir.  

🔹Xususan: «Kuchli parlament» va samarali nazorat mexanizmi Davlat kafolati ostida jalb etiladigan tashqi mablag‘larni parlament tasdig‘idan o‘tkazish tashabbusi davlat qarzi va byudjet intizomi ustidan jamoatchilik nazoratini kuchaytiradi, qarorlarni “maqsad — samara — javobgarlik” mezoni asosida qabul qilishga xizmat qiladi. Davlat xaridlarida shaffoflikni oshirish
Davlat xaridlarida to‘g‘ridan-to‘g‘ri shartnoma asosida xarid qilish holatlarini faqat qonun bilan belgilash korrupsiya xavflarini kamaytirishga qaratilgan prinsipial yondashuv bo‘lib, parlamentning qoidalarni belgilash va ijroni nazorat qilish vakolatlarini mustahkamlaydi. 

 ⚡️Deputat so‘rovlarini ta’sirchan huquqiy vositaga aylantirish Deputat so‘rovlari ijrosini har chorakda tahlil qilish va sustkashlik holatlari bo‘yichaprokuratura organlariga taqdimnoma kiritish amaliyoti ijro intizomini mustahkamlab, “deputat – xalq ovozi” tamoyilini amalda kuchaytiradi. Hokim va Kengash raisi vakolatlarini ajratishni kengaytirish Tuman va shahar
darajasigacha vakolatlarni ajratish mahalliy Kengashlarning mustaqilligi va ta’sirchanligini oshiradi, hududiy byudjet hamda ijtimoiy dasturlar ustidan prinsipial deputatlik nazoratini ta’minlash uchun yangi imkoniyatlar yaratadi.  

Murojatnomada xalq deputatlari mahalliy Kengashlarning ham rivojlantirish masalasi alohida qayd etildi. Yangi 2026-yildan boshlab xalq deputatlari tuman va shahar Kengashlarida deputatlar orasidan saylangan rais boshchilik qilishi qayd etildi. Bu sohadagi amaliy ishlar ham shu kunlarda o‘z amaliy ifodasini topib tuman va shaharlarda xalq deputatlari Kengashlarida raislar saylandi. Yangi 2026-yildan boshlab xalq deputatlari tuman va shahar Kengashlarida deputatlar orasidan saylangan raislar o‘z ish faoliyatini olib boradi. 

Shuningdek, Murojaatnomada siyosiy partiyalar va deputatlik guruhlari oldiga ham aniq vazifa qo‘yildi: raqobatni tanqid bilan cheklamasdan, amaliy taklif berish, muqobil yechim tayyorlash va qarorlar ijrosini doimiy nazorat qilish orqali jamiyatda “hisobdor davlat” tamoyilini mustahkamlash. Xulosa qilib aytganda, Murojaatnoma mamlakatimizda demokratiyani
mazmunan boyitishning aniq yo‘l xaritasini ko‘rsatdi. Kuchli parlament, shaffof davlat boshqaruvi va kengaygan jamoatchilik ishtiroki islohotlarning barqaror hamda xalqchil natija berishini ta’minlaydigan asosiy omillardir. 

Xalq deputatlari Bulung‘ur tuman Kengashi kotibiyat mudiri Alijon Shokirov