🔹Yigʻilishda Oʻzbekiston Respublikasi Prezidentining 2024-yil 21-iyundagi “Maktabgacha va maktab taʼlimi tashkilotlari xodimlarini uzluksiz kasbiy rivojlantirish tizimini
takomillashtirish boʻyicha qoʻshimcha chora-tadbirlar toʻgʻrisida” gi qarori ijrosi boʻyicha Vobkent tumanida amalga oshirilgan ishlar muhokama qilindi. Yigʻilishda dastlab, ushbu masala yuzasidan taʼlim muassasalarida olib borilgan oʻrganish yakunlari boʻyicha deputatlik guruhining axboroti tinglandi. Kun tartibidagi masala yuzasidan tuman Maktabgacha va maktab taʼlimi boʻlimi boshligʻi Jasur Ashurovning hisoboti tinglandi. Yigʻilishda sohadagi mavjud muammo va kamchiliklar ularni bartaraf etish boʻyicha tuzilgan rejalar ham koʻrib chiqildi. Deputatlik guruhi aʼzolari tomonidan amaliy taklif va tavsiyalar bildirildi.

Yigʻilishda muhokama etilgan masala yuzasidan tegishli qaror qabul qilinib, bu borada mahalliy Kengash deputatlari va partiya faollari oldida turgan dolzarb vazifalar belgilab olindi.