Xalq deputatlari Parkent tuman Kengashiga 4-Bo‘ston saylov okrugidan saylangan deputat Usipxodjaev Yerlan Ormanovich o‘zi saylangan okrugidagi “Bo‘ston” mahallasida joylashgan 24-maktabda kuz-qish mavsumiga tayyorgarlik ishlari yuzasidan deputatlik nazoratini amalga oshirdi. Deputatlik nazorati jarayonida taʼlim muassasasining kuz-qish mavsumiga tayyorgarlik ko‘rish borasida amalga oshirilayotgan ishlarning holatini jamoatchilik asosida o‘rgandi. O‘rganishlar davomida ijtimoiy soha ob’ektidagi tabiiy gaz hisoblagichlar va isitish uskunalarining texnik ko‘rikdan o‘tkazilganligi, dudburonlarni tozalanganligi, mavjud gaz quvurlari, uzatish tarmoqlari hamda texnik uskunalar ko‘zdan kechirildi, isitish qozonlari soz xolatda ekanligiga alohida eʼtibor qaratildi.O'rganish davomida kuz-qish mavsumida barqaror faoliyat yuritish uchun zarur bo‘lgan ishlar amalga oshirilayotgani ma'lum bo'ldi. Ayrim kamchiliklar bo'yicha masʼullarga tavsiyalar berildi.