Xalq deputatlari Jizzax shahar Kengashi kotibiyati majlislar zalida shahar Kengashining “Mahalliy byudjet, tadbirkorlikni rivojlantirish va iqtisodiy islohotlar bo‘yicha” doimiy komissiyasi tomonidan shahar Kengashining navbatdagi 15-sessiya yig‘ilishi muhokamasiga kiritiladigan masalalarni dastlabki tarzda ko‘rib chiqish maqsadida yig‘ilish o‘tkazildi.

Yig‘ilish kun tartibida:

1. O‘zbekiston Respublikasi Prezidentining 2024 yil 31 dekabrdagi “Jizzax viloyatini ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar to‘g‘risida”gi PQ-468-son qarorining shahardagi ijrosini taʼminlash bo‘yicha amalga oshirilgan ishlar to‘g‘risida, shahar hokimi birinchi o‘rinbosari S.Haydarovning hisobotini eshitish.

2. Jizzax shahrining 2026 yilgi mahalliy byudjetini tasdiqlash to‘g‘risida shahar hokimi birinchi o‘rinbosari S.Haydarovning hisobotini eshitish.

3. Jizzax shahar bo‘yicha 2026 yilda yuridik va jismoniy shaxslarning qishloq xo‘jaligiga mo‘ljallanmagan yerlar uchun yer solig‘i, suv resurslaridan foydalanganlik uchun soliq va yer qaridan foydalanganlik uchun soliq stavkalariga kamayuvchi va oshiruvchi koeffitsiyentlar qo‘llash to‘g‘risida, shahar soliq inspeksiyasi boshlig‘i X.Umurovning hisobotini eshitish. 

4. Shahar byudjetining qo‘shimcha manbalaridan foydalanish to‘g‘risidagi masalalar ko‘rib chiqildi.