Xalq deputatlari Parkent tuman Kengashiga 9-Qoʻrgʻon saylov okrugidan saylangan deputat Toʻychiyev Naimjon Yusupovich oʻzi saylangan okrugdagi “Qoʻrgʻon” mahallalasida bo‘lib “Mahalla yettiligi” bilan uchrashdi. Tadbirda deputat tomonidan mamlakatimizda qonunchilik sohasida yuz berayotgan o‘zgarish va yangiliklar, qabul qilinayotgan qonun, farmon va qarorlarning mazmun-mohiyati va ahamiyati haqida ma’lumot berildi. Shuningdek, “Kambag‘allikdan farovonlik sari” dasturini amalga oshirishda “mahalla yettiligi” tomonidan amalga oshirilayotgan ishlar, fikr va takliflar tinglandi.“Mahalla yettiligi” mahalla fuqarolar yig‘ini raisi, hokim
yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektorining ish samaradorligi ularning har biri o‘z ishiga bo‘lgan mas’uliyatiga bevosita bog‘liqligi deputat tomonidan aytib o‘tildi.Tadbir yakunida To‘ychiyev Naimjon Yusupovich tomonidan “Qo‘rg`on” MFY yettiligi bilan fuqaroning murojaati o‘rganib chiqildi va holat yuzasidan qonuniy yechim topish uchun zarur chora tadbirlar rejasi belgilab olindi.