Xalq deputatlari Urganch shahar Kengashi deputati B.Sh.Allabergenov odatga ko‘ra, saylovchilar bilan sayyor qabul o‘tkazish jarayonida “Yangiobod” mahallasida yashovchi bir guruh fuqarolar shu hududidan kesib o‘tuvchi zehkashning ichki tomoni o‘t-o‘lan va begona o‘simliklar hamda boshqa jismlar to‘planib qolganligi yuzasidan murojaat qilgan edilar.

Deputat tomonidan mazkur murojaatni joyiga chiqib o‘rganish ishlari olib borildi. Unga ko‘ra nazarda tutilayotgan zehkashning 250 metrini obodonlashtirish orqali shaharning tozaligi hamda turizm salohiyatini oshirish bo‘yicha tegishli ta’sir hujjati tayyorlandi.

Bugungi kunda deputat nazorati ostida mazkur zehkashda obodonlashtirish ishlari olib borilmoqda.