Халқ депутатлари Янгиқўрғон туман Кенгаши депутати Мирзалиев Хабибулло Авазбекович ташаббуси билан қабристон ҳудудида ободонлаштириш ишлари олиб борилмоқда.

Хусусан, депутат ўз шахсий маблағлари ҳисобидан қабристон ҳудудини ободонлаштиришга қаратилган ишларга бош-қош бўлмоқда. Ушбу ишлар доирасида ҳудуд тозаланди, қабристонда кириш қисми таъмирланди, давоза ўрнатилди, чиқиндилар олиб чиқилди, йўлаклар тартибга келтирилди ҳамда яшиллаштириш ишлари амалга оширилди.

Мазкур ташаббус қабристон ҳудудининг санитария ҳолатини яхшилаш, зиёрат қилувчилар учун қулай шароит яратишга хизмат қилмоқда. Шунингдек, аҳоли томонидан ушбу эзгу иш ижобий баҳоланиб, депутатнинг жамоат манфаатлари йўлидаги фаолиятига миннатдорлик билдирилмоқда.

Келгусида ҳам бундай ободонлаштириш ишларини давом эттириш, ҳудудни янада намунали ҳолатга келтириш режалаштирилган.