Қараөзек районы Қутлы мәкан мәҳәллесинде жайласқан 33-санлы мектепте "Үш әўлад ушырасыўы" шөлкемлестирилди. Ушырасыўға Халық депутатлары районлық Кеӊес депутатлары Н.Тлеумуратов ҳәм Қ.Жақсымуратов, мектеп оқытыўшы ҳәм оқыўшылары қатнасты. Илажда шығып сөйлеўшилер тәрепинен кекселерге ҳүрмет-иззет көрсетиў қәдирият есапланатуғынлығы, кейинги жыллары елимизде жасларымызға билим ҳәм өнер ийелеўде жаратылып атырылған имканиятлар ҳаққында тоқталып өтилди. Сондай-ақ, бүгинги күнде мәмлекетимизде әмелге асырылып атырған реформалардың мазмуны “Инсан қәдири ушын” принципиниң әҳмийетине қаратылып, онда әлбетте, жасы үлкенлеримиздиң турмыслық тәжирийбеси, ақыл-нәсияты жаслар тәрбиясында, елимиздиң айдын келешегин тәмийинлеўде айрықша орын ийелеўи атап өтилди.