🏆 Tuman Kengashimiz Viloyat miqyosida
e’tirof etildi. 

Bugun Xalq
deputatlari Xorazm viloyati Kengashi tomonidan o‘tkazilgan “Eng namunali tuman
(shahar) Kengashi” tanlovi yakunlariga ko‘ra, Xalq deputatlari Yangiariq tumani
Kengashi faxrli 1-o‘rinni egalladi. 

Mazkur tanlovda
tuman Kengashining deputatlar faoliyati, saylovchilar bilan ishlash tizimi,
qabul va murojaatlarni ko‘rib chiqish samaradorligi, ochiqlik va
tashabbuskorlik mezonlari asosida baholandi. Natijalarga ko‘ra, Yangiariq
tumani Kengashining tizimli va mas’uliyatli faoliyati yuqori baholandi. 

Tantanali tadbirda
tuman Kengashi I-darajali Diplom bilan taqdirlandi. Ushbu yutuq — deputatlar,
kotibiyat xodimlari hamda jamoatchilik bilan hamkorlikdagi izchil mehnatning
samarasi ekanligi alohida ta’kidlandi. Kelgusida ham tuman
Kengashi aholining manfaatlarini himoya qilish, hududni rivojlantirish va ochiq
muloqotni kuchaytirish yo‘lida faoliyatini yanada takomillashtirib boradi.