Өзбекстанның
дунья мәмлекетлери арасында абройы жылдан жылға артып бармақта. Буған айқын
мысал спатында бүгин Самарқанд қаласында ЮНЕСКО бас конференциясының
43-сессиясының ашылыў мәресимин айтып өтсек болады. Бул конференция биринши мәртебе
Париж қаласынан тысқарыда, яғный Самарқанд қаласында болып атыр. Конференцияға
2800 ден аслам делегатлар қатнаспақта.Президентимиз Ш.М.Мирзиёевтың бул мәресимге
қатнасып баянат жасаўы елимиздиң дунья көлеминде абройы жоқары екенлигин ҳәмде
белсендилигин көрсетеди. Миллий мәдениятымызды, үрип-әдетлеримизди, дәстүрлеримизди,
елимиз тарихын көз қарашығындай абайлап, сақлап келешек аўладқа жеткериў
бойынша алып барылып атырған елимиздеги сиясат дунья көлеминде талқыланып тән
алынбақта. Самарқанд қаласында өтип атырған ЮНЕСКО конференциясы тәлим, илим ҳәм
мәденият тараўларындағы глобал машқалаларды талқылаў менен бирге олардын
шешимин табыўғада себепши болады деп ойлайман.

Халық
депутатлары Шоманай районлық Кеңеси депутаты Қ.Сейтжанов