Donaxon Otajonova "Oqsuv" mahalla fuqarolar yig‘inida yashaydi. Boquvchisini yo‘qotgan yolg‘iz ona sifatida ikki nafar farzandini voyaga yetkazmoqda. Mahalladagi ijtimoiy xodim tomonidan xonadonbay o‘rganishlar davomida turmush sharoitidan kelib chiqib "Ijtimoiy himoya yagona reestri"ga kiritilgan. Qisqa vaqt ichida tuman hokimligi tashabbusi bilan "Inson" ijtimoiy xizmatlar markazi va "mahalla yettiligi" ko‘magida Donaxon Otajonova uchun uch xonali hovli-joy qurib bitkazildi. E’tiborli jihati, yangi uy barcha zarur jihozlar va maishiy texnikalar bilan jihozlab berildi. Xalq deputatlari viloyat va tuman kengashlari deputatlari, tuman hokimligi, "Inson" ijtimoiy xizmatlar markazi va mahallalar uyushmasi va mas’ullari ishtirokida yangi xonadon o‘z egasiga topshirildi. 

Xalq deputatlari Uchko‘prik tumani Kengashi kotibiyati