2025-yil 21-oktyabr kuni Xalq deputatlari Surxondaryo viloyati Kengashi deputati A. Oripov hamda Xalq deputatlari Oltinsoy tuman Kengashi deputati Yu.Hakimov rahbarligida Oltinsoy tumanining “Xo‘jasoat” mahallasida joylashgan 23-sonli maktabgacha ta’lim tashkiloti hamda 54-sonli umumta’lim maktabida navbatdagi uchrashuv va hududiy monitoring tadbirlari o‘tkazildi. 

Tashrif davomida deputatlar muassasalarning moddiy-texnik bazasi, tarbiyaviy va ta’limiy jarayonlar sifati, xodimlarning mehnat sharoitlari hamda
infratuzilma holati bilan tanishdi. Joylarda mavjud muammolar va takliflar o‘rganilib, ularni hal etish bo‘yicha mas’ullarga tegishli topshiriqlar
berildi. 

Shuningdek, fuqarolar bilan ochiq muloqot tashkil etilib, ularning murojaatlari tinglandi va yechimga qaratilgan chora-tadbirlar belgilab olindi. 

Mazkur uchrashuv va monitoring ishlari deputatlarning joylarda aholining ijtimoiy hayotini yaxshilash, ta’lim sifatini oshirish hamda muammolarni joyida aniqlab, tezkor hal etish borasidagi faoliyatining amaliy ifodasidir.

Oltinsoy tumani Kengash Kotibiyati Axborot xizmati