Xalq deputatlari Jizzax shahar Kengashi kotibiyati majlislar zalida shahar Kengashining “Ijtimoiy soha, yoshlar siyosati, madaniyat va sport masalalari bo‘yicha”doimiy komissiyaning yig‘ilishi o‘tkazildi. Yig‘ilish kun tartibida shaharda xotin-qizlarni ijtimoiy qo‘llab quvvatlash, ularga tadbirkorlik faoliyatini amalga oshirishga ko‘maklashish, shuningdek, xotin-qizlarning huquqlari va qonuniy manfaatlarini himoya qilish borasida joriy yilning 9 oyi davomida amalga oshirilgan ishlar bo‘yicha shahar hokimining o‘rinbosari - oila va xotin-qizlar bo‘limi boshlig‘ining hisoboti eshitildi. Shuningdek, “Yoshlarga oid davlat siyosati to‘g‘risida”gi O‘zbekiston Respublikasi Qonunining Jizzax shahrida ijro etilishi holati hamda maʼnaviy-maʼrifiy sohada joriy yilning 9 oyi davomida amalga oshirilgan ishlar bo‘yicha shahar hokimining yoshlar siyosati, ijtimoiy rivojlantirish va maʼnaviy va maʼrifiy ishlari bo‘yicha o‘rinbosarining hisoboti ham eshitildi. Yig‘ilish davomida, doimiy komissiya aʼzolari yuqoridagi masalalar yuzasidan o‘z fikrlarini bildirib o‘tdilar. Yig‘ilish so‘ngida deputatlar tomonidan bildirilgan fikr-mulohazalarni inobatga olib, doimiy komissiyaning tegishli qarorlari qabul qilindi.