Xalq deputatlari Bekobod shahar Kengashi deputatlari G.Sharipova va N.Uralova shaharning 16-sonli umumta’lim maktabida kuz-qish mavsumiga tayyorgarlik ishlarini o‘rgandilar. Mazkur ta’lim muassasasi 840 o‘rinli bo‘lib, hozirda 957 nafar o‘quvchi ta’lim olmoqda. Maktab yangi o‘quv yili boshlanishidan oldin to‘liq joriy ta’mirdan chiqarilgan, isitish tizimi quvurlari ish holatida hamda mavsum oldidan 8 ta qozonxona to‘liq tayyor holatga keltirilgan. O‘rganish natijalariga ko‘ra, maktabda ta’lim jarayoni uchun qulay sharoitlar yaratilgan bo‘lib, kuz-qish mavsumini samarali o‘tkazishga to‘liq hozirlik ko‘rilganligi ma’lum bo‘ldi.