Халық депутатлары Қараөзек районлық Кеңесиниӊ гезектеги он екинши сессиясы болып өтти. Сессияға районлық Кеӊес депутатлары, сиясий партиялар, Кеӊес жанындағы жаслар мәсләҳәт топары ҳәм эксперт топары ағзалары, ҳәким орынбасарлары, районлық мәкеме, шөлкемлер ҳәм ғалаба хабар қурал ўәкиллери қатнасты. Сессия күн тәртибинде дәслеп 2025-жылдың 9 айы даўамында әмелге асырылған жумыслары бойынша районлық Әдиллик бөлими баслығы А.Искендеровтыӊ мәлимлемеси ҳәм районлық Ишки ислер бөлими баслығы М.Аллабергеновтыӊ есабаты тыӊланды. Буннан соӊ сессия күн тәртибиндеги мәҳәлле институтын жетилистириў бағдарында әмелге асырылып атырылған жумыслар бойынша Мәҳәллелер аўқамы районлық бөлими баслығы Р.Данияровтыӊ есабаты ҳәм Өзбекстан Республикасы Президентиниң "2025-2030-жылларда балалар рак кеселлигине қарсы гүресиў бойынша Өзбекстан Республикасы миллий стратегиясын әмелге асырыў илажлары ҳаққында"ғы ПҚ-186-санлы қарарының район аймағында орынланыўы бойынша районлық медицина бирлеспеси баслығы ўазыйпасын атқарыўшы С.Абибуллаеваныӊ есабатлары додаланылып, депутатлар тәрепинен шешим қабыл етилди. Сондай-ақ, сессияда санитария-эпидемиологиялық тынышлық ҳәм жәмийет саламатлығы бөлими тәрепинен халықтың санитария-эпидемиологиялық тынышлығын тәмийинлеў ҳәм жуқпалы кеселликлердин тарқалыўының алдын алыў бағдарында бөлим баслығы Ж.Базарбаевтыӊ есабаты көрип шығылды. 

Сессия күн тәртибине турақлы комиссиялар усыныслары бойынша киритилген мәселелер толығы менен көрип шығылып, алдағы ислениўи тийис ўазыйпалар белгиленип алынды ҳәм сессия өз жумысын жуўмақлады.