Nurobod tumanida tadbirkorlikni rivojlantirish, ularning faoliyati davomida uchrayotgan muammo va to‘siqlarni bartaraf etish hamda yangi tashabbuslarni qo‘llab-quvvatlash maqsadida tuman hokimligida haftaning har chorshanba kuni o‘tkaziladigan tadbirkorlar qabuli bo‘lib o‘tdi.

Qabulda Xalq deputatlari tuman Kengashi kotibiyati mudiri B.Oblanov, tuman Savdo-sanoat palatasi rahbari O.Abdug‘aniyev hamda mas’ul tashkilotlar vakillari ishtirok etdi.

Uchrashuv davomida tadbirkorlarning faoliyatida uchrayotgan amaliy muammolar, yangi tashabbus va g‘oyalar muhokama qilindi.

Tadbirkorlar tomonidan yer ajratish, imtiyozli kredit olish, ishlab chiqarish va xizmat ko‘rsatish uchun zarur infratuzilma bilan ta’minlash, soliq va boshqa dolzarb masalalar yuzasidan murojaatlar bildirildi.

Uchrashuv yakunida har bir murojaat bo‘yicha mas’ul tashkilotlarga tegishli topshiriqlar berilib, muammolarni o‘z vaqtida hal etish nazoratga olindi.