Xalq deputatlari Bekobod shahar Kengashi deputatlari G.Sharipova va U.Mirzakalanov "Andijon" mahalla fuqarolar yig‘inida bo‘lib, “mahalla yettiligi” va faollari bilan uchrashdilar. Uchrashuv jarayonida mahalladagi 9 qavatli uyning bitta kirish yo‘lagida lift ishlayotgani, ikkinchisida esa ishlamayotgani, mahalla idorasida elektr energiyasidan uzilish holatlari bo‘layotganligi aniqlandi. Shuningdek, hududdagi 8-maktab rahbariyati tomonidan maktab maydoniga obodonlashtirish uchun tuproq to‘kish kerakligi masalasida hududdagi tadbirkor bilan uchrashib, imkoniyat darajasida hal qilishga kelishildi. Qolgan masalalar bo‘yicha tegishli tashkilotlarga deputatlik so‘rovi bilan chiqilishi belgilandi.