Bugungi Prezident nutqi bizga yana bir muhim haqiqatni koʻrsatdi: kambagʻallikni kamaytirish faqat ichki islohotlar bilan cheklanmaydi, bu jarayonda xalqaro sheriklar, moliyaviy institutlar va donor tashkilotlar bilan samarali hamkorlik juda muhim. Islom taraqqiyot banki, Jahon banki, BMT, Osiyo taraqqiyot banki kabi yirik institutlar bilan umumiy maqsadlar yoʻlidagi sheriklik – bu Oʻzbekistonga boʻlgan ishonch va yurtimiz olib borayotgan siyosatning xalqaro darajadagi eʼtirofi demakdir. Prezidentimizning 2026-yilda Xivada yuqori darajadagi konferensiya oʻtkazish taklifi – nafaqat milliy, balki mintaqaviy va global muammolarga yechim topishga qaratilgan ezgu tashabbusdir. Deputat sifatida bu tashabbuslarni toʻliq qoʻllab-quvvatlayman.

Xalq Deputatlari Zarbdor tuman Kengashi deputati
Karabekova Buvsara Razakovna