Prezidentimizning nutqida iqtisodiy oʻsishning aholi turmushiga qay darajada ijobiy taʼsir koʻrsatayotgani aniq raqamlar orqali ochiq va tushunarli bayon etildi. Haqiqatan ham, soʻnggi sakkiz yilda iqtisodiyot ikki barobar oʻsdi, jon boshiga daromad 3,5 ming dollarga yetdi. Bu oʻsish – qoʻl bilan ushlanadigan, xalq hayotida seziladigan natijalar bilan namoyon boʻlmoqda. Faqatgina iqtisodiy oʻsish emas, balki daromadli va doimiy ish oʻrinlari yaratish, kambagʻal aholiga daromad keltiradigan sektorlarga sarmoya kiritish – bugungi davlat siyosatining markazida turibdi. Mahalliy Kengash deputati sifatida bunday siyosatni qoʻllab-quvvatlayman va hududimizda ish oʻrinlari yaratish loyihalariga har tomonlama koʻmak berishga tayyorman.

Xalq Deputatlari Zarbdor tuman Kengashi deputati
Allayorov Islomiddin Shukurullayevich