Boyovut tumani hokimligi majlislar zalida bo‘lib o‘tgan navbatdagi o'n beshinchi sessiya ishida xalq deputatlari tuman Kengashi deputatlari, kun tartibiga kiritilgan masalalarga aloqador davlat va jamoat tashkilotlari rahbarlari ishtirok etdilar.

Sessiya kun tartibiga quyidagi masalalar kiritildi:

1-masala, Tumanning ijtimoiy-iqtisodiy rivojlanishining eng muhim va dolzarb masalalari, shu jumladan, byudjetning daromadlar bazasini oshirish va yangi ish o‘rinlari barpo etish yuzasidan tuman hokimining birinchi o‘rinbosari (B.Usmanov)ning hisobotini eshitish to‘g‘risida;

2-masala, Boyovut tumanini 2025-yilda kompleks ijtimoiy-iqtisodiy rivojlantirish dasturining asosiy yo‘nalishlari biri etib belgilangan “Zarbdor” tajribasi asosida shakllantirilgan “drayver” loyihalarni 2-bosqichini amalga oshirish manzilli ro‘yxatini tasdiqlash to‘g‘risida;

3-masala, O‘zbekiston-2030” strategiyasi ijrosi hamda O‘zbekiston Respublikasi Prezidentining 2022-yil 7-martdagi “Oila va xotin-qizlarni tizimli qo‘llab-quvvatlashga doir ishlarni yanada jadallashtirish chora-tadbirlari to‘g‘risida”gi PF-87-son Farmoni ijrosi yuzasidan Boyovut tumani hokimining o‘rinbosari (M.Eshonxonova)ning hisoboti to‘g‘risida;

4-masala, Boyovut tumani “Fuqarolar tashabbusi jamg‘armasi” mablag‘lari hisobidan 2025-yil 2-mavsumida o‘tkazilgan “Ochiq budjet” axborot portali orqali eng ko‘p ovoz to‘plagan takliflar uchun mablag‘lar ajratish to‘g‘risida;

5-masala, Tuman mahalliy budjetining 2025-yilda shakllangan qo‘shimcha manbalari hisobidan mablag‘ ajratish yuzasidan tuman Iqtisodiyot va moliya bo‘limi boshlig‘ining o‘rinbosari (F.Xudaynazarov)ning axboroti;

6-masala, Boyovut tumani Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2025-yil uchun manzilli ro‘yxatini tasdiqlash to‘g‘risida.

Boshqa masalalar.

Har bir ko‘rilgan masala yuzasidan bildirilgan fikr-mulohaza va takliflar asosida yakunda xalq deputatlari tuman Kengashining tegishli qarorlari qabul qilindi.