Bugun texnikumda ushbu kurslarning tantanali ochilish marosimi va bo‘sh ish o‘rinlari mehnat yarmarkasi bo‘lib o‘tdi. Unda tuman hokimi Sobir Xo‘jametov, Xalq deputatlari Amudaryo tuman Kengashi deputatlari, sohalar rahbarlari, ish beruvchi tashkilotlar va o‘z kasbini egallashga intilayotgan yoshlar ishtirok etdilar. 

Tadbir davomida so‘zga chiqqanlar kasb-hunar o‘rganishning bugungi kundagi ahamiyati, yoshlarni zamonaviy kasblarga yo‘naltirish orqali ularning
kelajagini mustahkamlash masalalari, shuningdek, davlatimiz tomonidan yoshlarga yaratilayotgan keng imkoniyatlar haqida fikr bildirdilar. 

Tadbir doirasida jajji qizaloqlarning betakror raqslari va harbiy orkestr jamoasining ko‘tarinki chiqishlari barchaga bayramona kayfiyat ulashdi. Ushbu
tashabbus yoshlarning bilim va ko‘nikmalarini rivojlantirish, mehnat bozorida munosib o‘rin egallashlari uchun muhim qadamlardan biri bo‘lib xizmat qiladi.