Қарақалпақстан Республикасын социаллық-экономикалық раўажландырыў мəселеси мəмлекетимиздеги регионаллық теңликти тəмийинлеў, халық пəраўанлығын асырыў ҳəм экономикалық турақлылыққа ерисиўде зəрүрли əҳмийетке ийе болады. Сол көзқарастан, ПҚ-248-санлы қарар ўақытында қабыл етилген, стратегиялық əҳмийетке ийе ҳүжжет ретинде баҳаланады.

 Халық демократиялық партиясы депутаты сыпатында усы қарарда белгиленген илажларды қоллап-қуўатлайман, себеби олар:

- Қарақалпақстан халқының бәнтлигин тәмийинлеў;

- Жумыс орынларын жаратыў ;

- Социаллық инфраструктураны жақсылаў ;

- Медицина, билимлендириў ҳəм үй-жай мəселелериндеги машқалаларды шешиў;

сыяқлы үстин туратуғын ўазыйпаларды қамтып алған.

 Усының менен бирге, қарардың натийжелилигин тəмийинлеў ушын төмендегилерди усыныс етемен:

 1. Қадағалаў механизмлерин күшейтиў - қарарда белгиленген илажлардың əмелге асырылыўы туўралы ашық ҳəм əшкара жəмийетшилик қадағалаўы енгизилиўи зəрүр.

 2. Жергиликли басламаларды хошаметлеў - жергиликли халықтың мүтәжлик ҳəм усыныслары тийкарында жойбарларды əмелге асырыў нəтийжелилиликти асырады.

 3. Социаллық әззи қатламларды қоллап-қуўатлаў - майыплығы бар шахслар, жалғыз ғаррылар ҳəм кем тəмийинленген шаңарақлар ушын арнаўлы программалар ислеп шығылыўы керек.

 Жуўмақ етип айтқанда, ПҚ-248 қарар социаллық теңликти тəмийинлеў ҳəм Қарақалпақстан Республикасын турақлы раўажландырыўда зəрүрли басқыш болып, халық демократиялық партиясы бул процессте актив қатнасыўға тайын.