Усы жылдың 16-сентябрь күни Халық депутатлары Нөкис районлық Кеңеси жанындағы "Коррупцияға қарсы гүресиў ҳәм қәўипсизлик мәселелери бойынша турақлы комиссия" басламасы менен әҳмийетли ушырасыў болып өтти.

Онда комиссия баслығы М.Бегдуллаев, комиссия ағзалары ҳәм Нөкис районы прокуроры П.Халмуратов қатнасты. Ушырасыў даўамында 2025-жыл даўамында районда коррупцияға қарсы гүресиў бағдарында әмелге асырылып атырған жумыслар, бар машқалалар, ерисилген нәтийжелер ҳәм келешектеги тийкарғы ўазыйпалар ҳәр тәреплеме додаланды.

Комиссия ҳәм прокуратура ўәкиллери тәрепинен айрықша атап өтилгениндей, коррупцияға қарсы нәтийжели гүресиўде профильактикалық илажлардың рольин арттырыў, ҳуқық қорғаў уйымлары ҳәм жәмийетшилик арасындағы бирге ислесиўди беккемлеў, пуқаралар арасында ҳуқықый сана-сезим ҳәм мәдениятты арттырыў үлкен әҳмийетке ийе.

Бундай сөйлесиў ҳәм бирге ислесиў түриндеги ушырасыўлар коррупцияға қарсы гүресиў тараўындағы илажлардың нәтийжелилигин арттырыў, пуқаралардың мәмлекетлик басқарыўға болған исенимин беккемлеў және жәмийетте коррупцияға маўасасызлық орталығын қәлиплестириўге хызмет етеди.