🏫 Yoshlarni kasbga yo‘naltirish – kelajak poydevori

Shovot tumanidagi ixtisoslashtirilgan maktab-internati bitiruvchi yoshlarini kasb-hunarga yo‘naltirish hamda ularni ishlab chiqarish jarayonlari bilan yaqindan tanishtirish maqsadida amaliy uchrashuv tashkil etildi.

Mazkur tadbir Shovot tuman Kengashi deputati Ismailov Xursand Baltabayevich tashabbusi bilan tumandagi “UZTEX GROUP” MChJ KK Shovot filialida o‘tkazildi.

👨‍🏭 Tashrif davomida yoshlar korxona faoliyati, ishlab chiqarish jarayonlari hamda turli kasb-hunar yo‘nalishlari bilan tanishib, kelgusida o‘z kasbini tanlash bo‘yicha muhim ma’lumotlarga ega bo‘ldilar.

🤝 Bunday tadbirlar yoshlarning bandligini ta’minlash, ularni zamonaviy kasblarga qiziqtirish hamda kelajakda malakali mutaxassis bo‘lib yetishishida muhim ahamiyat kasb etadi.