Xalq deputatlari Andijon shahar Kengashi raisi R. Ziyayev hamda Xalq deputatlari viloyat Kengashi kotibiyati mudiri N. Toychiyeva Andijon shahridagi "O‘rikzor" MFYda bo‘lib, hududda amalga oshirilayotgan ishlar bilan yaqindan tanishdilar.

Tashrif davomida ishsiz yoshlarning bandligini ta'minlash, ularni kasb-hunarga yo‘naltirish hamda bo‘sh ish o‘rinlariga joylashtirish borasidagi ishlar tahlil qilindi.

Shuningdek, ijtimoiy muammolarni bartaraf etish, xotin-qizlarning jamiyatdagi faolligini oshirish, ularning murojaat va ehtiyojlarini o‘rganish hamda ehtiyojmand oilalarni ijtimoiy qo‘llab-quvvatlash masalalari muhokama qilindi.

Fuqarolarning murojaatlari tinglanib, ularni hal etish yuzasidan tegishli tushuntirish va tavsiyalar berildi.