Xalq deputatlari Paxtakor tuman Kengashi deputati Nurali Sulaymonov hududda qandolatchilik faoliyati bilan shug‘ullanayotgan mahalliy tadbirkor ayollar faoliyatini o‘rgandi.

Tashrif davomida ishlab chiqarish jarayonlari, mavjud sharoitlar, mahsulot sifati, sanitariya talablariga rioya etilishi hamda mahsulotlarni realizatsiya qilish tizimi atroflicha ko‘zdan kechirildi. Shuningdek, tadbirkor ayollarning kundalik faoliyati, ish hajmi va bandlikni ta’minlashdagi o‘rni haqida ham batafsil ma’lumotlar olindi.

Deputat suhbat jarayonida tadbirkorlar tomonidan faoliyatni yanada kengaytirish, zamonaviy uskunalar bilan ta’minlash, yangi ish o‘rinlari yaratish hamda oilaviy daromadlarni ko‘paytirish borasida amalga oshirilayotgan ishlarning ahamiyatini alohida qayd etdi.