Uchrashuv davomida mahalla aholisining kundalik hayotida dolzarb bo‘lgan masalalar, mavjud muammolar va ularning yechimlari yuzasidan ochiq muloqot olib borildi. Fuqarolar tomonidan bildirilgan fikr-mulohazalar, taklif va murojaatlar deputat tomonidan atroflicha tinglandi. Mazkur uchrashuv 24 ta tavsiya asosida tashkil etilgan bo‘lib, unda aholi vakillarining ijtimoiy, iqtisodiy va obodonlashtirish bilan bog‘liq masalalariga alohida e’tibor qaratildi. Deputat G‘.Mirzayev aholi tomonidan ko‘tarilgan har bir masala yuzasidan mas’ul tashkilotlar bilan hamkorlikda ish olib borish, muammolarni tegishli tartibda o‘rganib, ularning amaliy yechimini ta’minlash muhimligini ta’kidladi.