G‘allaorol tumanida obodonlashtirish ishlari davom etmoqda

Bugungi kunda yurtimizda ekologiyani asrash, hududlarni yanada yashil va obod qilish maqsadida keng ko‘lamli ko‘chat ekish tadbirlari olib borilmoqda. Bu boradagi ezgu tashabbuslar joylarda ham faol davom etmoqda. Jumladan, Xalq deputatlari G‘allaorol tuman Kengashi raisi Sh. Umarov ham tuman hududida tashkil etilgan ko‘chat ekish hasharida faol ishtirok etdi.

Hashar jarayonida tuman faollari, tashkilot va muassasalar vakillari, yoshlar hamda mahalla aholisi birlashib, hududni yanada obodonlashtirishga o‘z hissalarini qo‘shdilar. Ko‘chat ekish ishlari davomida manzarali va mevali daraxt ko‘chatlari ekilib, ularni parvarishlash bo‘yicha zarur tavsiyalar ham berildi.