Фуқаро мурожаати ўрганилиб, оилавий ярашувга эришилди
Ҳафталик ва кунлик иш режалари ижроси доирасида Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда туман Кенгаши депутати Мирзалиев Ҳабибулло Авазбекович томонидан сайлов округидаги маҳаллада фуқаронинг оилавий масала юзасидан қилган мурожаати ўрганилди.
Маҳалла раиси, профилактика инспектори ва ёшлар етакчиси иштирокида оила аъзолари билан суҳбат ўтказилиб, томонларнинг фикрлари тингланди. Оиладаги келишмовчиликларни ўзаро ҳурмат ва мулоқот орқали ҳал этиш, аҳилликни асраш юзасидан тушунтириш ва тавсиялар берилди.
✅ Биргаликда олиб борилган мулоқот натижасида томонлар яраштирилиб, мурожаатда кўтарилган масала ижобий ҳал этилди.