📌3-“Ittifoq” saylov okrugidan saylangan Xalq deputatlari Jizzax shahar Kengashi deputati M.Abdusattarova “Ittifoq” MFY “yettilik” vakillari bilan hamkorlikda hudud aholisi uchun sayyor qabul o‘tkazdi.

🔸Sayyor qabul davomida aholi tomonidan ichki yo‘llarni taʼmirlash, ichimlik suvi va elektr taʼminoti sifatini yaxshilash, ijtimoiy yordam hamda yoshlar bandligini taʼminlash kabi qator dolzarb masalalar o‘rtaga tashlandi. Deputat va mahalla faollaridan iborat ishchi guruh har bir murojaatni atroflicha o‘rganib chiqdi.

🔸Muloqot davomida tushgan murojaatlarning aksariyati mahalla “yettiligi”ning imkoniyatlari va deputatlik ko‘magi bilan joyida hal etildi. Qo‘shimcha o‘rganish va mablag‘ talab qiladigan murakkab masalalar esa xalq vakilining qatʼiy nazoratiga olinib, tegishli davlat tashkilotlariga deputatlik so‘rovlari yuborish orqali ijobiy yechim topishi belgilandi.