Aholiga tibbiy xizmat ko‘rsatish sifati o‘rganildi

Xalq deputatlari O‘rta Chirchiq tumani Kengashi raisi R.Djumanova, tuman hokimi o‘rinbosari X.Ziyamutdinov hamda tuman Tibbiyot birlashmasi mas’ullari ishtirokida Aranshi mahalla fuqarolar yig‘ini hududida joylashgan oilaviy poliklinika faoliyati o‘rganildi.

O‘rganish davomida aholiga o‘z vaqtida va sifatli tibbiy yordam ko‘rsatish holati, tibbiy xizmatlar sifati hamda fuqarolar uchun yaratilgan shart-sharoitlarga alohida e’tibor qaratildi.

Poliklinikaga murojaat qilgan fuqarolar bilan muloqot qilinib, ularning taklif va murojaatlari tinglandi. Aholini qiynayotgan masalalar yuzasidan tegishli fikr-mulohazalar bildirilib, mavjud muammolarni hal etish va tibbiy xizmatlar sifatini yanada yaxshilash bo‘yicha zarur vazifalar belgilab olindi.

✅Xalq deputatlari O‘rta Chirchiq tuman Kengashi kotibiyati axborot xizmati!