Fayzobod mahallasida ijtimoiy reyestrdan chiqarilgan oilalar holati o‘rganildi

📍Xalq deputatlari O‘rta Chirchiq tumani Kengashi deputatlari N.Dushayeva va B.Baxovadinov tomonidan Fayzobod mahalla fuqarolar yig‘inida ijtimoiy reyestrda turgan oilalarning ijtimoiy-iqtisodiy holati o‘rganildi.

O‘rganish davomida oilalarning yashash sharoitlari, moddiy ahvoli, bandlik darajasi hamda ijtimoiy qo‘llab-quvvatlashga bo‘lgan ehtiyojlari bilan tanishildi. Oilalarni kambag‘allikdan chiqarish, daromad manbalarini shakllantirish, ish bilan ta’minlash va turmush farovonligini oshirish masalalariga alohida e’tibor qaratildi.

Deputatlar tomonidan oilalarning mavjud muammolarini aniqlash, ularni hal etish bo‘yicha tegishli choralar ko‘rish hamda har bir xonadon bilan manzilli ishlash muhimligi ta’kidlandi. Shu bilan birga, ehtiyojmand oilalarni qo‘llab-quvvatlash, bandligini ta’minlash va ijtimoiy-iqtisodiy ahvolini yaxshilash borasida mas’ul tashkilotlar bilan hamkorlikni kuchaytirish masalalari ko‘rib chiqildi.

✅Xalq deputatlari O‘rta Chirchiq tuman Kengashi kotibiyati axborot xizmati!