#19_1_Modda_ijrosi

❗️ TOSHKENT SHAHAR SOG‘LIQNI SAQLASH BOSHQARMASI FAOLIYATI O‘RGANILADI

🏛 Xalq deputatlari Toshkent shahar Kengashi deputatlari tomonidan Toshkent shahar sog‘liqni saqlash boshqarmasining aholi salomatligini asrash, kasalliklarning oldini olish va profilaktika qilish, sog‘lom turmush tarzini targ‘ib etish hamda tibbiy xizmatlar sifatini oshirish borasida amalga oshirayotgan ishlari yuzasidan o‘rganish olib boriladi.

🔺 O‘rganish davomida birlamchi tibbiy-sanitariya yordami, aholiga bepul tibbiy xizmatlar ko‘rsatish, profilaktik ko‘riklar va skrininglar, sanitariya-epidemiologik osoyishtalik, oziq-ovqat xavfsizligi, shuningdek, onalar va bolalar salomatligini muhofaza qilish bo‘yicha amalga oshirilayotgan ishlar ko‘rib chiqiladi.

✍️ Shuningdek, sog‘lom turmush tarzini targ‘ib qilish, sog‘liqni saqlash tizimini raqamlashtirish, ichki nazorat va shaffoflik, aholining murojaatlari bilan ishlash, tibbiyot muassasalaridagi mavjud muammolar hamda ularni bartaraf etish bo‘yicha takliflarga alohida e’tibor qaratiladi.

⚖️ O‘rganish doirasida Xalq deputatlari Toshkent shahar Kengashining 2026-yil 23-iyuldagi VII-25-109-14-0-K/26-sonli qarori ijrosi ham ko‘rib chiqiladi.

📱 Telegram 📱 Instagram 📱 Facebook 📱 YouTube 🔎 E-kengash