📌 Xalq deputatlari Chinoz tumani Kengashiga 15-Istiqlol saylov okrugidan saylangan deputat Olimjon Dadajonov tomonidan Nafis mahalla fuqarolar yig‘inida aholiga ko‘rsatilayotgan ijtimoiy xizmatlar holati o‘rganildi.
🔎 O‘rganish davomida mahalladagi ijtimoiy xodim faoliyati, ijtimoiy ko‘makka muhtoj fuqarolar bilan ishlash, ularning ehtiyojlarini aniqlash hamda mavjud muammolarni hal etish bo‘yicha amalga oshirilayotgan ishlar ko‘rib chiqildi.
👨‍👩‍👧‍👦 Shuningdek, kam ta’minlangan oilalarni aniqlash, ularga ijtimoiy nafaqa va moddiy yordam tayinlash hamda to‘lash jarayonlari tahlil qilindi. Fuqarolarning murojaatlari bilan ishlash va ehtiyojmand oilalarni qo‘llab-quvvatlash masalalariga alohida e’tibor qaratildi.
📍 O‘rganish yakunida aholiga ijtimoiy xizmatlarni o‘z vaqtida, sifatli va manzilli ko‘rsatish, ehtiyojmand oilalar bilan individual ishlash hamda aniqlangan muammolarni bartaraf etish bo‘yicha tegishli vazifalar belgilab olindi.