#doimiy_komissiya_faoliyati

Doimiy komissiyalarning navbatdagi yig‘ilishi bo‘lib o‘tdi

Xalq deputatlari Qiziriq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi hamda Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda O‘zbekiston Respublikasi Prezidentining “Surxondaryo viloyatini kompleks ijtimoiy-iqtisodiy rivojlantirish hamda aholi turmush darajasini yaxshilash chora-tadbirlari to‘g‘risida” 2024-yil 13-dekabrdagi PQ–438-son qarorining tumandagi ijrosini ta’minlash yuzasidan 2026-yilning III choragida amalga oshirilgan ishlar muhokama qilindi.
Mazkur masala yuzasidan tuman hokimi o‘rinbosarlarining amalga oshirilgan ishlar, erishilgan natijalar hamda belgilangan vazifalarning ijrosi to‘g‘risidagi hisobotlari tinglandi. Deputatlar tomonidan hisobotlar yuzasidan tegishli savollar berilib, ayrim yo‘nalishlar bo‘yicha qo‘shimcha ma’lumotlar olindi.

Shuningdek, Qiziriq tumani “Suv yetkazib berish xizmati” davlat muassasasi tomonidan tumanda 2026–2027-yillar nosug‘orish davri (oktabr–mart) uchun tuman chegarasidan olinadigan, iste’molchilar kesimida ekinlarni sug‘orish uchun suv olish limitlarini tasdiqlash to‘g‘risidagi masala yuzasidan hisobot tinglandi.

Muhokama davomida deputatlar tomonidan suv resurslaridan oqilona va samarali foydalanish, suv olish limitlarini iste’molchilar kesimida belgilash hamda sug‘orish mavsumida yuzaga kelishi mumkin bo‘lgan masalalarni oldindan ko‘rib chiqish yuzasidan savol, taklif va tavsiyalar bildirildi.

Kun tartibidagi masalalar deputatlar tomonidan atroflicha muhokama qilinib, bildirilgan fikr va takliflar inobatga olingan holda tegishli qarorlar ma’qullandi.

Yig‘ilish yakuniga ko‘ra, ko‘rib chiqilgan masalalarni xalq deputatlari Qiziriq tumani Kengashining navbatdagi sessiyasi kun tartibiga kiritish yuzasidan tegishli takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram