Olvalizor" mahallasida keng ko‘lamli bunyodkorlik ishlari izchil davom ettirilmoqda

Namangan shahridagi "Olvalizor" mahallasi "og‘ir toifa"dagi hudud sifatida tanlanib, aholi turmush sharoitini yaxshilash hamda muhandislik-kommunikatsiya infratuzilmasini rivojlantirishga qaratilgan keng ko‘lamli bunyodkorlik ishlari jadal sur’atlarda olib borilmoqda.

Loyihaga muvofiq mahalladagi 3,5 kilometr ichki yo‘llarni asfaltlash, 140 dona beton elektr ustunini o‘rnatish, 1 dona 400/6/0,4 kV quvvatga ega transformator punktini (TP) barpo etish hamda 

3,9 kilometr SIP kabel tortish ishlari amalga oshirilmoqda. Mazkur qurilish ishlari "Prom Strogen" MChJ tomonidan bajarilmoqda.

Xalq deputatlari Namangan shahar Kengashi deputati, shahar hokimi Ayubxon Kamalov boshchiligidagi ishchi guruh hududda olib borilayotgan bunyodkorlik ishlari bilan joyida tanishib, qurilish jarayonlarining sifati, belgilangan muddatlarda bajarilishi hamda ishlar samaradorligiga alohida e’tibor qaratdi.

Shuningdek, mahalla aholisi bilan ochiq muloqot o‘tkazilib, fuqarolar tomonidan bildirilgan taklif va murojaatlar tinglandi. Uchrashuv davomida ko‘tarilgan masalalarni ijobiy hal etish, mavjud muammolarni bartaraf etish hamda hududni yanada obod va zamonaviy qiyofaga keltirish yuzasidan mas’ul tashkilotlar rahbarlariga aniq topshiriqlar berildi.

Amalga oshirilayotgan bunyodkorlik ishlari mahalla infratuzilmasini zamonaviy talablar asosida rivojlantirish, aholiga qulay va xavfsiz yashash sharoitlarini yaratish hamda hududning obod va ko‘rkam qiyofasini ta’minlashga xizmat qilmoqda.